Руските сили го „ослободија селото Калиново“ во регионот Доњецк, се наведува во соопштението на руското Министерство за одбрана.
Селото Калиново е оддалечено 35 километри од Покровск, важен логистички јазол кој веќе неколку недели е цел на руските војници кои сѐ повеќе му се приближуваат.
Покрај ненадејниот прекуграничен напад што Киев го започна на 6 август во регионот Курск, Москва продолжува да добива позиција по позиција во украинскиот регион Доњецк, кој е епицентарот на борбите.
Рускиот претседател Владимир Путин во четвртокот ја изрази својата непоколеблива желба да го освои целиот Донбас, голема индустриска зона на истокот на Украина.
