Генералштабот на вооружените сили на Украина соопшти дека според прелиминарните информации, украинските системи за противвоздушна одбрана собориле 28 од 30-те беспилотни летала Шахид од иранско производство, лансирани од Русија.
Украинските сили и противвоздушната одбрана во воздушниот простор околу Киев идентификуваа и уништија дваесетина непријателски цели, изјави Сергеј Попко, шеф на воената администрација во Киев, на апликацијата за пораки Телеграм.
„Уште еден голем воздушен напад врз главниот град“, изјави Попко.
Воената администрација на Лавов, град со околу 700.000 жители на 70 километри од границата со Полска, членка на НАТО, соопшти дека Русија ја погодила „клучната инфраструктура“ во градот, предизвикувајќи пожар.
Според првичните информации, нема жртви.
Уриј Малашко, шеф на воената администрација на регионот Запорожје на југоистокот на Украина, на Телеграм објави дека рускиот напад бил насочен кон телекомуникациската инфраструктура, како и земјоделството и фармите.
Нема информации за жртви во Запорожје.
Врховната воена команда соопшти дека Русија истрелала седум проектили во нападот врз Запорожје, според првичните извештаи.
