Новинари го прашаа Патрушев дали зад терористичкиот напад стои Украина или џихадистичката група Исламска држава, која е забранета во Руската Федерација. „Нормално, Украина“, одговори Патрушев.
Патрушев, кој со рускиот претседател Владимир Путин работел во КГБ во Санкт Петербург, е познат по заговарање тврдокорни политики на Кремљ. Тој во неколку наврати во интервјуа ја правдаше одлуката Русија да тргне во инвазија на Украина.
Евгениј Аношин, портпаролот на рускиот Совет за безбедност, го опиша Патрушев како „патриот“ и „државен играч кој долга низа години им е лојален на Русија и Путин“. Кога се зборува за потенцијални наследници на Путин, Патрушев секогаш многу високо котира.