Руските воени трупи и офицерите од агенциите за спроведување на законот минатата недела спречија голем внатрешен оружен конфликт во земјата, изјави претседателот Владимир Путин, мислејќи на прекинатиот бунт на шефот на групата Вагнер, Јевгениј Пригожин.
„Всушност, вие спречивте граѓанска војна, дејствувајќи прецизно и обединето“, им рече тој на групата војници што денеска се собраа во Кремљ за да добијат државни одликувања за нивните постапки минатиот петок и сабота.
Претседателот, исто така, повика на едноминутен молк во сеќавање на воените пилоти што беа убиени од силите на Вагнер за време на бунтот. „Офицерите загинаа со чест додека ја извршуваа својата должност“, рече Путин.
Во петокот вечерта, Пригожин ги упати своите сили да маршираат кон големите руски градови за да отстранат неколку генерали, кои ги обвини за предавство. За време на маршот беа соборени голем број воени авиони, вели РТ и додава дека бунтот беше прекинат следниот ден откако Белорусија посредуваше во договорот со Москва. Пригожин ја објасни својата одлука велејќи дека сакал да избегне големо крвопролевање.
