Тој ретко користи авион и најчесто се вози со специјално опремен оклопен воз. Со него оди и до сите свои велелепни вили во предградието. До трите Путинови вили лоцирани во Сочи, Нови Огариово и Валдаи, тајно била изградена железница за тој веднаш да може се симне од возот директно до својата дестинација.
Однадвор, возот изгледа како повеќето други руски патнички возови, но кога и да поаѓа, поради него се менуваат сите возни редови бидејќи има апсолутен приоритет.
Внатрешноста е луксузно уредена, заштитена е од прислушување, има сала за состаноци, канцеларија, спална соба, бар, медицинска опрема и голем број содржини кога станува збор за велнес центарот.
Истражувачкиот портал Досие центар, кој е финансиран од прогонетиот руски тајкун Михаил Ходорковски, некогаш најбогатиот човек во Русија, а сега еден од нејзините истакнати дисиденти и голем критичар на рускиот претседател, открива дека луксузниот воз на Путин има дури и амам – турска парна бања, како и козметички вагон со апарати за подмладување и теретана.
Putin’s personal armored train has added carriages with a gym, hammam, cosmetologist’s room, bar and movie theater, according to investigation by @akselenc of @dossier_center & partners. Incredible work
Cost to Russian state 6.8b rubles (~$75 million)https://t.co/x3dHucxVL6 pic.twitter.com/om4DqXD5ae
— Scott Rose (@rprose) July 5, 2023
Доколку е потребно, козметичката соба се претвора во медицинска соба бидејќи има комплетна опрема за итно спасување живот: од респиратор до дефибрилатор.
Досие центар наведува дека вагонот има и уред Спејс Б. Браун кој овозможува мерење и давање на точна доза на лек на пациент и монитор Инфинити М540 кој го следи пулсот, притисокот, температурата и другите параметри за време на анестезија… Во целиот воз, телефоните и интернет услугите се целосно заштитени од какво било прислушување со специјален хардвер за шифрирање.
Оклопниот воз го чинеше рускиот буџет најмалку 6,8 милијарди рубљи, што е околу 70 милиони евра. Ова го дознава Досие центар, кој во соработка со Си-ен-ен и германските медиуми Зидојче Цајтунг, ВДР и НДР дошле до илјадници документи и фактури од компанијата Циркон Сервис, која го сервисира оклопниот воз. Циркон моментално гради вагон со мултимедијален центар и вагон за спорт и рекреација.
Missed it yesterday, but Khodorkovsky’s media organ did an expose on Putin’s armored train. https://t.co/UK9daynAx9
Nothing very damning, $75M is a modest sum by these people’s standards; the style, furnishings and rooms are about what I’d do if I adopted the Snowpiercer lyfe. pic.twitter.com/CwE9uJkpKn
— Anatoly Karlin (@powerfultakes) July 6, 2023
Телевизорите во возот првично претставувале проблем, се вели во извештајот. Сигналот би се губел при минување низ тунели или под мостови. За да се поправи ова, создаден е посебен систем кој го фаќа сигналот пред да се пренесе на екранот, за Путин да не мора да чека.
Во козметичката соба има современи апарати за процедури против стареење, вклучувајќи ги и оние за дренажа и лифтинг. Со третман со радиофреквенција, контролирано длабински се загрева кожата со електроди, што доведува до подобрување на клеточниот метаболизам, циркулацијата, зголемување на мускулниот тонус и еластичноста на ткивата, како и активирање на фибробластите и создавање на нов колаген. Се постигнува подмладување и затегнување на опуштената кожа, се отстранува сивилото и заморот, но се намалуваат и брчките.
Journalists at Dossier Center & partner outlets obtained thousands of docs from a company that services Putin’s secret armored train. Yeah, it’s got a train car for that. https://t.co/hRCBFsJXtw
https://t.co/o7QR7ciesX— Kevin Rothrock (@KevinRothrock) July 5, 2023
Во теретаната, посочува Досие центар, нема шипки, но има клупи за стомачни вежби, апарати за хиперекстензија, тегови… Претседателската безбедносна служба особено внимание посветила и на апаратите за вежбање на бутните мускули.
За да се задоволат потребите на безбедносниот персонал, како и на можните функционери на Кремљ и приватните гости, возот има вкупно 22 вагони, но обично не се користат сите во исто време. Најчесто на едно патување се поврзуваат десетина вагони.
Кога Путин е во Москва, возот обично застанува во заштитено подрачје на железничката станица Каланчивскаја во центарот на главниот град. Станува збор за еден вид ВИП платформа опкружена со бодликава жица и надгледувана од безбедносни камери.
