Службите за итни случаи во Минхен веднаш дошле на местото на настанот по извештаите за истрели. Денеска непознат напаѓач испукал неколку куршуми пред израелскиот конзулат во Минхен, полицијата го застрелала „сомнителното лице“, тој дел од градот е блокиран, објави Билд.
„Во областа Каролиненплац, полициските сили пукаа кон сомнително лице и лицето беше погодено“, напиша полицијата на Икс.
Das sind die ersten gesicherten Erkenntnisse im Zusammenhang mit dem laufenden Einsatz:
– Im Bereich Karolinenplatz kam es zu Schussabgaben durch polizeiliche Einsatzkräfte auf eine verdächtige Person, die Person wurde hierbei getroffen.
-Der Einsatzraum ist großräumig abgesperrt— Polizei München (@PolizeiMuenchen) September 5, 2024
Не е познат идентитетот на убиениот. Полицијата соопшти дека полицајците на терен забележале лице кое изгледало дека носи оружје. Дошло до пукање во кое едно лице е убиено. Нема повредени полицајци.
Во моментов нема информации за можни други осомничени. Полицијата ги повика граѓаните да ја избегнуваат областа. Сообраќајот е блокиран на местото на настанот.
Во воздух е и полициски хеликоптер.
На социјалните мрежи се појави видео на кое се слушаат бројни истрели, додека луѓето бегаат.
Schüsse vor dem israelischen Generalkonsulat in München. Das NS-Dokuzentrum ist direkt nebenan. pic.twitter.com/k1r819o9Rj
— Ronen Steinke (@RonenSteinke) September 5, 2024
Германската полиција соопшти дека на социјалните мрежи веќе се шират дезинформации. Тие ги повикаа граѓаните да не учествуваат во ширење лажни информации и да не објавуваат снимки од настани.
Инцидентот се случи денеска, на годишнината од нападот на Олимпијадата во 1972 година, кога палестинските терористи зеле 11 израелски спортисти како заложници во Минхен – и ги убиле.
