Неколку стотици Срби се собраа денеска пред полициската станица во Грачаница на протест поради вчерашното апсење на Драгиша Миленковиќ.
Како што јави дописникот на Гласот на Америка од местото на настанот, собирот се одвивал мирно, а магистралниот пат Приштина-Гњилане кој минува низ центарот на Грачаница не е прооден, додека полицијата ги пренасочува возилата на алтернативни правци.
На собирот се обратија директорот на Центарот за култура Грачаница Живојин Ракочевиќ и докторката Наташа Прентиќ. По обраќањето на спикерот, планирана е протестна прошетка.
Протестот заврши во 13 часот, а нов е закажан за утре напладне.
