„Од бојкот на Парламентот преминаа на посети на собраниските канцеларии. Повторуваме, правото да се биде член на ДИК е право од кое не може да се отстапи со добра или лоша желба на претседател на Парламентот, кој и да е тој, но тоа е право што се добива со гласот на народот на последните избори. И на последните избори народот реши да му го додели местото на ДИК на Алијансата за Албанците. Свое место во ДИК имаа и Фадил Зендели и Движењето Беса преку СДСМ, бидејќи беа во коалиција, исто така Изет Меџити е претставен преку ДУИ“, изјави Аднан Незири, кординатор на пратеничката група на Алијанса за Албанците.
Затоа, рече Незири, Алијанса за Албанците посакува, единствениот пратеник што му останало на Движењето Беса, Фадил Зендели, да отиде кај претседателот на Собранието, Јован Митрески кој е кадар на СДСМ, и од него да побара неговата партија да им даде еден од тројцата членови што ги има во ДИК, „додека членот на албанската опозиција е на Албанците и на Алијансата за Албанците, а не на СДСМ“.
