Обезбедувањето во „Мерцедес-Бенз Арена” на дел од навивачите им ги одзема знамињата со сонцето од Кутлеш. Правилата на ЕХФ и другите меѓународни спортски федерации ги дозволуваат само официјалните знамиња на државите затоа што носењето на други знамиња во некои случаи може да биде сфатено како политичка провокација.
И во минатото се случувало македонски навивачи да останат без знамињата со 16-кракото сонце, дури и на меѓународни натпревари кои се играле во Македонија.
Но, добар дел од Македонците синоќа беа снаодливи, успеаа да ги внесат знамињата кои ги понесоа, па сонцето од Кутлеш беше дел од декорот на трибините каде што беа македонските навивачи.
Од Берлин за МКД.мк
Ристе Ѓорѓиевски
