Диверзантите, кои работеа од Белорусија, во соработка со Русија, упаднаа во институциите на локалната и централната власт, вклучително и државните претпријатија кои спроведуваат воени договори, рече вицепремиерот.
„Белоруските и руските странски служби… имаа специфична цел – да извлечат информации, да уценуваат поединци и институции и да водат всушност сајбер војна“, рече Гавковски, кој е и министер за дигитални прашања.
Тој рече дека оперативната цел за кражба на податоци за уцена е спречена.
Гавковски рече дека сајбер нападите се удвоиле од минатата година, насочени кон полски организации и институции, вклучително и логистички компании кои испорачуваат воена помош за Украина.
„Во сајбер-просторот, опасностите доаѓаат секој час, секоја минута. Често има повеќе од илјада инциденти на ден“, рече Гавковски, кој во јуни изјави дека Полска блокирала неколку сајбер напади врз нејзината критична инфраструктура.
Полска ја поврзува Русија со инциденти со саботажа и подметнување пожари на нејзина територија и тврди дека руските тајни служби активно се обидуваат да соберат информации за испораките на оружје за Украина од почетокот на руската инвазија на таа земја во февруари 2022 година.
