Како што соопштија од МВР, по документирање на случајот ќе следува соодветен поднесок.
Исто така, во Прилеп синоќа од полноќ до 4 часот од страна на криминалистичката полиција на СВР Битола во содејство со полициски службеници од ОВР Прилеп спроведена е акциска контрола во угостителски и други објекти за присуство на малолетници во нив.
За време на контролата во два угостителски објекти во Прилеп затекнати се 34 малолетници, а кај 11 малолетни лица било констатирано дека се под дејство на алкохол. За сите констатирани неправилности ќе бидат поднесени соодветни пријави.
Во Тетово и Гостивар откриени 11 прекршоци за точење на алкохол на малолетници.
Во спроведена акциска контрола во угостителски објекти на поширокото подрачје на Тетово и Гостивар, на 8 и 9 јули во периодот од 23 до 5 часот, полициски службеници од СВР Тетово откриле вкупно 11 прекршоци за точење на алкохол на малолетници и тоа пет во Тетово и шест во Гостивар, како и 18 останати прекршоци.
„Воедно во два угостителски објекти во Тетово, по извршено мерење со уред фонометар, констатирано е дека јачината на музиката е над дозволената законска граница. За сите констатираните неправилности на прекршителите ќе им бидат изречени соодветни санкции“, соопштија денеска од МВР.
Акциските контроли се спроведени во рамки на „Безбедно лето 2023“.
