„Според сите изведени материјални и вербални докази на обвинителството и одбраната, а имајќи ги предвид сите олеснителни и отежнителни околности, судот донесе пресуда со која обвинетиот М.Ш. го огласи за виновен за кривичното дело, злоупотреба на службената положба и овластување по чл. 353 ст.5 в.в со ст.3 и в.в. со ст.1 од Кривичниот Законик и го осуди на казна затвор во траење од 5 години. Против оваа пресуда, странките имаат право на жалба до Апeлациониот суд Скопје“, велат од Кривичниот суд Скопје.
МКД.мк веќе пишуваше дека Обвинителството за организиран криминал и корупција (ОЈО ГОКК) во декември 2019 година поднесе обвинение против Шаини за злоупотреба на службена положба и овластување затоа што, според обвинителството, тој, на роднини незаконски им вратил плажи во Струга со што ја оштетил државата за над 200.000 евра.
