недела, 14 јули 2024

Откако министерот Меџити го разреши проф.д-р Јовев, сега го повикува да му биде национален советник за кардиохирургија

Објавено на

часот

Сподели

„Буџетот што го наследив, беше многу дефицитарен. Имаме барање од Кардиохирургија, претходно во разговор со професорот и други колеги и со ребалансот на буџетот сум подготвен да побарам да се зголеми тој буџет, со цел Клиниката за кардиохирургија и програмата за трансплантација да функционираат подобро и да ги зголемиме позитивните резултати и да им излеземе во пресрет на пациентите“, додаде министерот.

Тој нагласи дека Јовев ќе продолжи да биде вработен во Клиниката и ќе ја има неговата поддршка во понатамошното работење.

На денешниот брифинг со новинарите, стручни лица разјаснуваа дилеми околу разрешувањето на Јовев, што предизвика реакции во јавноста.

Меџити беше прашан што ќе биде со економскиот директор.

„За организациониот директор, ние пративме инспекција, тоа ги вклучува и двата директора, тие имаат одговорности и заеднички и посебни. За првиот одлучивме, деновиве ќе излеземе и со одговор за вториот, организацискиот директор“, одговори министерот.

На новинарско прашање за неговата заменичка д-р Маја Манолева, која даде изјава дека не се согласува со одлуката на министерот за смена на д-р Јовев, Меџити одговори дека нема да коментира изјави на други лица.

На брифингот беше посочено и дека Јовев не е единствениот разрешен директор. 

„Откако сум на функција, имаше промени во многу други здравствени установи, на медицински директори, организациски, некои си поднесоа самите оставка, а други беа разрешени“, додаде Меџити, истакнувајќи дека и во иднина секаде ќе има инспекции и ќе се постапува според закон.

Меџити во понеделникот го разреши проф. д-р Сашко Јовев од должноста директорот на Универзитетската клиника за државна кардиохирургија, поради како што изјави вчера „утврдени нерегуларности во работењето“, нагласувајќи дека нема политика во неговото разрешување.

Јовев од своја страна вчера побара преиспитување на одлуката за негово разрешување, истакнувајќи дека државната Клиника за кардиохирургија не се утврдени нерегуларности.

„Конечно треба политиката да се тргна настрана од професионалците и  да им се остави простор за работа. Во оваа држава се чини дека ако си успешен тоа не е добро и стануваш жртва“, рече Јовев зад кого стоеја вработените и десетици пациенти на кои токму во Државна кардиохирургија им бил спасен животот,

ТОП ВЕСТИ

ПОСЛЕДНИ ВЕСТИ