Фудбалот е еден од спортовите што почнуваат пред отворањето на Олимписките игри. Денеска на програмата се машките натпревари, а утре женските.
Денеска има и натпревари во рагби, а утре ќе почне женскиот ракометен турнир. Официјалното отворање на игрите е закажано за петок од 19:30 часот.
„Од Игрите во Барселона во 1992 година, фудбалот почна пред церемонијата на отворањето, со оглед што фудбалерите не можат да играат секој ден и им требаат најмалку 48 часа за да се опорават. Поради тоа, машките фудбалски натпревари започнуваат два дена пред почетокот на Игрите, а женскиот фудбал ден пред стартот“, е официјалното објаснување за тоа дека ќе има настани пред официјалниот почеток.
Македонија на Олимписките игри во Париз ќе настапи со шест спортисти.
