вторник, 16 јули 2024

Невреме вечерва во Скопје, силен дожд, град, ветер, грмотевици и штети (ФОТО)

Скопје вечерва е зафатено од силно невреме проследено со силен ветер, грмотевици и град во некои населби. Има пријави за паднати дрвја врз возила. Екипа на МКД.мк на терен регистрира неколку такви случаи.

Фото: МКД.мк

Објавено на

часот

Сподели

Со силен дожд, проследен со грмотевици и град беа зафатени Ѓорче Петров, Карпош и во центарот на Скопје.

Екипа на МКД.мк беше кај Тутунскиот комбинат, каде падна дрво врз возило Предизвикана е штета врз возилото, а полицијата го регистрира случајот и го регулира сообраќајот.

Фото: МКД.мк

Паднато дрво регистрираме и на бул.Јане Сандански кај ТЦ Капитол во населбата Аеродром. Полицијата го регулира сообраќајот, се вози по една лента.

Фото: МКД.мк

Во населбата Аеродром во 20.30 часот добиена е пријава за откачен олук на бул.АСНОМ бр.12, поради јак ветер.

„Олукот претставува опасност и загрозување на безбедноста, во кој што пријавителите во моментот го држат на нивната балконска тараса за да не падне и направи штета. За истото РЦУК Скопје контактирал со пријавителите и истите испратиле и видео клип. Исто така РЦУК Скопје ги известил надлежните во населбата“, велат од ЦУК.

Фото: MKД.мк

Паднато дрво го оневозможува сообраќајот на клучката Бутел – Радишани, а поплавени подруми има на ул.84.

Се препорачува граѓаните да не бараат засолниште од дождот под осамени дрвја.

Невреме кое предизвика штети имаше и во Полошкиот регион, а повторно поплавени дворови, подруми и штети на возила има во Тетово.

ЦУК информира и за штети од невреме во кумановско и за една поплавена куќа во Куманово.

ТОП ВЕСТИ

ПОСЛЕДНИ ВЕСТИ