Според извештаите, Националниот совет за спас на татковината, формиран од бунтовниците, предводен од командантот на гардата Абдурахман Чиани, одбил да го ослободи сменетиот претседател Мохамед Базум и да го врати на функцијата.
Во меѓувреме, папата Франциско најави дека се моли за успех на напорите на меѓународната заедница за да се доведе ситуацијата во Нигер до мирно решение.
„Со загриженост го следам она што се случува во Нигер. Се придружувам на повикот на бискупите во таа земја за мир и стабилност во регионот Сахел. Со молитва ги следам напорите на меѓународната заедница да се најде мирно решение за доброто на сите што е можно поскоро. Да се молиме за саканиот народ на Нигер“, рече Папата, обраќајќи ѝм се на верниците во неделата од прозорецот на Апостолската палата во Ватикан.
