Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Од ЈП Македонија Пат соопштија дека е е можна појава на поситни одрони на усеците и клисурите, кои редовно се чистат.
Дежурните екипи на Македонија Пат, соопштија, се постојано на терен и ги одржуваат сите патни правци проодни.
