Мојсоски и против Данска играше повреден, но тоа не го спречи да одигра пожртвувано, како и сите други ракометари, па нема причина истото да не се случи и денеска.
„Мојсоски сè уште чувствува болки во коленото и затоа го поштедивме на последниот тренинг. Повредата не е наивна, но јас сум убеден дека Наумче ќе стори сè за да го одигра и мечот со Полска. И против Данска играше повреден, па изгина на теренот, како и другите“, изјави селекторот Звонко Шундовски.
Македонија брка победа за да остане во игра за највисокиот пласман на ова ЕП во Србија.
