„Луѓето викаа: Храна и струја!“, анонимно за Франс прес кажал 65-годишен жител на вториот по големина град на карипскиот остров Сантијаго, кој се наоѓа на 800 километри источно од престолнината Хавана.
Подоцна во текот на денот во градот била вратена струјата и стигнале „два камиони ориз“, кажал тој.
🇨🇺 | Cubanos en Santiago de Cuba le gritan a la policía' “Tenemos Hambre” y "Patria y Vida". #CubaPaLaCalle pic.twitter.com/7DVW16pRaA
— Alerta Noticiera (@AlertaNoticiera) March 17, 2024
Социјалните мрежи се полни со фотографии од протестите во Сантијаго, во кој живеат 510.000 луѓе. Објавени се и фотографии од протестот во Бајамо, уште еден голем град.
Од почетокот на март на Куба се чести прекините во снабдувањето со струја поради работите на одржувањето на термоцентралата Антонио Гитерас, која е најголема на островот. За време на викендот ситуацијата се влошила поради недостигот од гориво потребно за произведување струја.
Некои области, како градот Сантијаго, биле без струја и по 14 часа дневно.
More footage of ongoing protests in Santiago de Cuba. Protestors can be heard shouting "Electricity and food!" at police and local officials. pic.twitter.com/zu2oC35XEq
— Comandante Shinji 🇨🇺 (@ShinjiTheCuban) March 17, 2024
„Луѓето го изразија своето незадоволство поради ситуацијата со струјата и храната“, кажа кубанскиот претседател Мигел Дијаз Канел, предупредувајќи дека „непријателите на револуцијата“ планираат да ја искористат ситуацијата.
„Има терористи со седиште во Соединетите Американски Држави, кои ги осудивме во неколку наврати, кои поттикнуваат акции спротивни на внатрешниот поредок на земјата“, додаде тој.
Амбасадата на САД во Хавана соопшти на социјалните мрежи дека е запознаена со извештаите за „мирните протести“ во Сантијаго, Бајамо и други делови на Куба.
Куба струјата ја добива од осум стари термоцентрали, генератори и осум пловечки централи изнајмени од Турција, кои исто така се погодени од недостигот од гориво.
Претходно месецов владата ја зголеми цената на горивото за повеќе од 400 отсто како дел од својот план за економско заздравување. Земјата со 11 милиони луѓе ја доживува најлошата економска криза од распадот на СССР во 1990-тите години.