Одговорајаќи на новинарско прашање во врска со последниот случај со подведувањето на 14-годишно девојче од страна на 11 лица, министерот рече дека 10 лица кои биле дел од синцирот на трговија со луѓе веќе се изведени пред судија и најави повеќе информации во следниот период.
Во периодот од 2020 година до септември 2021 година Г.Ш., искористувајќи ја состојбата на немоќ и ранливост на детето, во претходен договор со С.С., А.П. и К.Х., го сториле делото така што го подведувале детето на вршење полови дејствија по пат на сексуална експлоатација и негово користење во сексуални активности или други форми на сексуална експлоатација со кривично пријавените Р.А., И.З., И.Е., А.М., Ќ.Ќ., Ф.А. и А. Ш., за паричен надомест во висина од 50 до 200 евра, а со цел стекнување за себе противправна имотна корист.
„Врз основа на издадени наредби од судија на претходна постапка од Основен кривичен суд Скопје, на подрачјето на Тетово на две локации извршени се претреси во дом и други простории и лишени се од слобода осум лица, додека на подрачје на Гостивар од слобода се лишени две лица, а едно лице се наоѓа надвор од земјава“, е наведено во првичното соопштение на МВР.
