„Не верувајте никому дека сакаме да се бориме. Ние се спремаме за војна, за тоа зборувам искрено. Ако сакаш мир, подготви се за војна – не го смислив јас тоа. тоа е многу точно кажано“, кажа Лукашенко.
Тој напомена дека во земјата се обучуваат единици, а на оружените сили им се испорачуваат разни видови вооружување и опрема.
Истовремено, Лукашенко наведе дека, ако непријателски земји ја критикуваат Белорусија, тоа значи дека земјата прави сè како што треба.
Покрај тоа, Лукашенко истакна дека „Минск никому не му се заканува и не сака туѓа земја“.
Белорусија почна воени вежби во регионите кои се граничат со Украина и со членките на Европската Унија Литванија и Полска.