„Ги повикувам граѓаните на нашата земја да не наседнуваат на еуфоријата на хероизација и романтизација на Фатон Хајризи“, кажа Курти по седница на владата.
Курти побара да се расветлат околностите, од бегството на Хајризи од затвор во Србија до неговото убиство, и додаде дека за такво нешто е потребна локална и меѓународна истрага.
На социјалните мрежи во последните денови се споделуваат постови за Хајризи со негови фотографии, проследени со изрази како „херој“ и „храбар“.
Министерството за надворешни работи и дијаспора на Косово потврди дека српските власти го убиле Фатон Хајризи на 19 јули.
Тој на 18 јули, според српските власти, во Лозница убил еден српски полицаец и ранил друг.
Хајризи претходно на 7 јули по деветти пат избегал од затвор на Косово.