Претставници на американските разузнавачки агенции тврдат дека Русија се обидува да влијае на изборите на крајот на годинава и дека Москва ангажирала компании што би можеле да влијаат на јавното мислење. „Овие обвинувања се апсурдни. Ние одлучно ги отфрламе“, соопшти Кремљ.
Портпаролот Дмитриј Песков рече дека „ќе има уште многу такви изјави како што ќе се приближуваат изборите во САД, бидејќи Русија и нејзиниот претседател се важни фактори, кои и републиканците и демократите ги користат во политичката борба, особено за време на изборната кампања“.
