Ковачевски посочил дека Владата изминативе неколку години, со конструктивен дијалог и демократски политики ги реши споровите и земјата стана членка на НАТО.
„Интеграцијата на Северна Македонија во ЕУ ќе биде гарант и за стабилноста на Западен Балкан. -Кога ЕУ нѐ поддржува, ние победуваме. Кога ние победуваме, Европа победува, истакнал Ковачевски.
„Напредокот на Северна Македонија не беше само на меѓународен план, Владата ја зголеми минималната плата и социјалниот пакет, а ја намали и невработеноста“, кажал уште Ковачевски како што пренесува владината прес – служба.
На состанокот биле присутни повеќе лидери на европски земји меѓу кои и премиерот на Шпанија Педро Санчез, премиерот на Португалија Антонио Коста и премиерот на Косово, Албин Курти, како и високи претставници на ЕУ, меѓу кои, потпретседателите на Европската комисија, Марош Шефчовиќ и Жосеп Борел, комесарите Паоло Џентилони, Николас Шмит и Елиса Фереира.
