Маестра Дашиќ вчера на прес-конференција истакна дека ќе бидат изведени некои од најсложените дела од класичната музика кои се предизвик дури и за најдобрите музичари.
Миленковиќ ја изрази својата восхитеност од „Профундис“, истакнувајќи ја извонредната уметничка изведба и страста за музиката на оркестарот.
„Не секогаш ние изведувачите ја бираме програмата, ама утревечер, во Филхармонија, тоа ќе биде величенствена класична музика на композитори кои го одбележаа минатиот век“, изјави српскиот виолинист.
Јане Бакевски од камерниот оркестар „Профундис“ се заблагодари на публиката и на спонзорите за нивната несебична поддршка која е од огромно значење за поддршката на културата.
Камерниот оркестар „Профундис“ е уметнички состав чии цели се промоција на квалитетот и особеноста на изразот со посебен акцент на оригиналноста на сите концертни изведувања. Во него членуваат едни од најистакнатите македонски инструменталисти што се дел од двата професионални оркестри во државата, Националната опера и балет и Националната филхармонија.
Стефан Миленковиќ е српски виолинист, роден во 1977 година. На десетгодишна возраст настапувал пред светски личности како претседателот на САД Роналд Реган, советскиот лидер Михаил Горбачов и пред папата Јован Павле II.
Неговата кариера е обележана со настапи на сцени како „Карнеги Хол“, Конзерваториумот „Чајковски“ во Москва, и „Марински“ театарот во Санкт Петербург. Во текот на својата кариера, Миленковиќ е добитник на наградите „Уметник на векот“ и „Најхумана личност“, а добитник е и на титулата „Личност на годината“
Фото: Пр.популарно
