Соединетите Американски Држави и Кина се главните закани за светот и човештвото, бидејќи тие се фокусираа на меѓусебниот конфликт и мора да го признаат тој факт, вели Кисинџер.
„Во случај лидерите на САД и Кина да се сретнат, се надевам дека наместо да ги набројува сите жалби што им се познати, американскиот претседател ќе рече: ‘Господине претседателе на Кина, двете главни закани за светот сега сме ние двајца. Во смисла дека имаме можност да го уништиме човештвото. Мислам дека треба да се договориме и да се обидеме да избегнеме таква ситуација’“, рече тој.
Според него, сегашната состојба на односите меѓу двете земји е многу опасна и потсетува на ситуацијата пред Првата светска војна, кога „ниту една страна нема значителни можности да направи политички отстапки, а секое нарушување на рамнотежата може да има катастрофални последици.“
Кисинџер смета дека како резултат на хипотетички воен конфликт околу Тајван, ќе бидат уништени и островот и светската економија, која ќе ги загуби изворите за испорака на микропроцесори.
„Ние сме на пат на судир меѓу големите држави. Уште поголема причина за загриженост е тоа што секоја земја се убедила себеси дека другата е стратегиска закана“, вели тој.
Според Кисинџер, двете страни треба да се обидат да ги намалат тензиите околу Тајван со повнимателна реторика и да формираат групи советници за да разговараат за начините за намалување на тензиите во односите и да создадат терен за редовни состаноци меѓу кинеските и американските лидери.
Тој подвлече дека не го знае одговорот на прашањето дали сегашното раководство на Кина е порадикално од претходното и додаде дека обврска на САД е да го проверат тоа и да продолжат да ја одржуваат рамнотежата во светот.
Тој исто така рече дека од почетокот на 1980-тите, демократската американска администрација се обидувала да ги реши стратегиските несогласувања меѓу САД и Кина, иако во времето на претседателот Доналд Трамп се признало дека меѓу нив има конфликти. Актуелниот шеф на Белата куќа, Џозеф Бајден, ја продолжува надворешната политика на Трамп кон Кина, но со либерална реторика.
Дипломатот смета дека Белата куќа треба да гради дијалог со Пекинг, но признава дека овој пристап можеби нема да успее. Тој заклучи дека во тој случај САД мора да бидат доволно воено силни за да се справат со последиците од неуспехот.
„Влегувањето на Украина во НАТО е и во интерес на Русија“
Кисинџер го пофали Володимир Зеленски како „извонреден лидер“, кој мудро ги поздравил кинеските дипломатски напори во Украина. Тој објаснува како го променил својот став за да го поддржи членството на Украина во НАТО (велејќи дека тоа е и во интерес на Русија), предупредувајќи дека европските лидери грешат што се колебаат околу нејзиното членство.
„Она што сега го зборуваат Европејците е, според мене, страшно опасно. Затоа што Европејците велат: ‘Не ги сакаме во НАТО, затоа што се премногу ризични. И затоа, ќе ги вооружиме до заби и ќе им го дадеме најнапредното оружје.’ И како може тоа да функционира? Не треба да ја завршиме војната на погрешен начин. Ако претпоставиме дека исходот ќе биде веројатниот исход, тоа ќе биде некаде по линијата на статус кво анте што постоеше (пред 24 февруари 2022 година). Исходот треба да биде таков што Европа да ја штити Украина и таа да не стане осамена држава што се грижи само за себе“.
„Кога јас би разговарал со Путин, би му рекол дека и тој е побезбеден со Украина во НАТО“.
„Сега ја вооруживме Украина до точка кога таа е најдобро вооружената земја со стратегиски најнеискусните лидери во Европа. Ако војната заврши како што веројатно ќе заврши, со тоа што Русија ќе изгуби многу од своите придобивки, но ќе го задржи Севастопол, можеби ќе имаме незадоволна Русија, но и незадоволна Украина – со други зборови, баланс на незадоволство.
„Значи, заради безбедноста на Европа, подобро е да ја имаме Украина во НАТО, каде што нема да може да носи национални одлуки за територијални претензии“.
„Украинците ја сакаат врската со Кина. Зеленски докажа дека е извонреден лидер, и тоа е вежбање мудрост од негова страна, бидејќи можеа да помислат, по ветувањето за „партнерство без граници“ (меѓу Русија и Кина), дека Кина никогаш нема да влезе во дипломатска паралела со НАТО“.
