На состанокот со египетскиот претседател Абдел Фатах ал Сиси на маргините на самитот за климата во Дубаи, Харис рече дека напорите за обнова, безбедност и управување во Газа можат да успеат само ако се спроведат во контекст на јасна политичка цел на палестинскиот народ кон сопствената држава, која ќе ја води ревитализирана палестинска власт, пренесува Си-ен-ен.
Американската потпретседателка изјави дека Хамас повеќе не може да ја контролира Газа, бидејќи таа е неодржлива за безбедноста на Израел, но и за благосостојбата на палестинскиот народ и регионалната безбедност.
