Полициски службеници на СВР Тетово денеска околу 13.40 часот на градскиот плоштад во Тетово, ја привеле 53-годишната Х.М. од тетовски Челопек кај која биле пронајдени и одземени 1.686 парчиња пиротехнички средства, а десетина минути пред тоа, исто така, на плоштадот во Тетово, го привеле и 20-годишниот тетовец М.Б. со 885 парчиња пиротехника.
Во координација со јавен обвинител, како што велат од МВР, по целосно расчистување и документирање на случајот, на двете лица ќе им бидат изготвени законски предвидените поднесоци.
И вчера СВР Тетово соопшти за голема заплена на петарди и друга пиротехника.
