Тоа што веќе некое време беше познато, сега е и официјално, Каи Хаверц е ново засилување за Арсенал.
„Германскиот репрезентативец Каи Хаверц ни се приклучи од Челси, потпиша долгогодишен договор“, стои во соопштението на Арсенал.
Хаверц во Арсенал ќе го носи дресот со бројот 29.
„Возбуден сум што се приклучив на овој неверојатен клуб и да бидам дел од семејството Арсенал. Ова е клуб со многу богата историја и се надевам дека ќе освоиме уште многу работи. Менталитетот во Арсенал е на многу високо ниво и можете да го почувствувате тоа“, вели Хаверц.
