Четврти меч и четврта победа за Македонија во групата Ц од првенството кое се одржува во нашиот главен град.
Македонските момчиња максимално сериозно влегоа во мечот во кој беа големи фаворити и остварија лесна победа од 41 поен разлика.
Прв стрелец беше Стојковиќ кој реализираше 20 поени, блиску до двоен ефект беа Луканоски и Ќириловски кои имаа идентичен учинок, по 17 поени и 9 скока.
Групната фаза утре ја затвораме со Украина, а паралелно го чекаме расплетот во групата „Д“ од каде ќе го добиеме ривалот во четвртфиналето.
