„ВМРО-ДПМНЕ продолжува со смешните соопштенија околу проектот Алумина. Многу нѐ потсетуваат на кокошката која ја бркал петелот, а таа си викала: ‘Да застанам?! Или… Море ај да свртам уште некое крукче, да не помисли дека сум лесна женска’.
Вака Мицкоски и неговата арамиска дружина вртеа крукчиња и околу проектот Ист гејт. Вртеа, вртеа и застанаа тогаш кога го договорија пазарот. Јавноста да не се возбудува околу пресовите и соопштенијата на ВМРО-ДПМНЕ. И сега се пазарат и ќе гласаат за Алумина.
Изградбата на Ист гејт и објектот околу него е убав проект, но јас сум сигурен дека нашиот проект во Карпош е најубав. А Мицкоски се декларира дека работи за доброто на граѓаните. Јас знам дека и сега ќе гласа за доброто на граѓаните, ама во анкетната предигра малку да изработи и за себе. Нема потреба од нервоза, се познаваме добро.