„Во контекст на опасната реторика на турскиот претседател Ердоган и заканите за напад врз Израел, министерот за надворешни работи Израел Кац им наложи на дипломатите… итно да контактираат со сите членки на НАТО, повикувајќи на осуда од Турција и барајќи нејзино протерување од алијансата.“
Ердоган во неделата рече дека Турција може да влезе во Израел за да им помогне на Палестинците, како што тоа некогаш го стори во Либија и Нагорно-Карабах.
„Мора да бидеме многу силни за Израел во Палестина да не може да го прави тоа што го прави сега“, рече турскиот претседател на митингот на владејачката партија АКП во црноморскиот град Ризе.
„Баш како што влеговме во Карабах и Либија, би можеле нешто слично да им направиме и ним“, рече Ердоган во говорот пренесуван на телевизија.
Турскиот претседател не прецизираше на каква интервенција мисли, а претставниците на неговата партија не одговорија на прашањата за деталите од неговата изјава.
