Со Појасот Газа долго време владее Хамас, кој не сака мир со Израел и го нападна на 7 октомври, предизвикувајќи разорна војна во Појасот Газа што поттикна насилство и на Западниот Брег, каде Израел има големи еврејски населби.
„Признавањето на палестинската држава по масакрот на 7 октомври испраќа порака до Хамас и другите палестински терористички организации дека на крволочните терористички напади против Израелците ќе биде одговорено со политички гестови кон Палестинците“, објави израелскиот министер за надворешни работи Израел Кац на Икс.
„Решавање на конфликтот ќе биде можно само преку директни преговори меѓу двете страни. Секој ангажман за признавање на палестинската држава само го уназадува постигнувањето решение и ја зголемува регионалната нестабилност“, додаде тој. Тој не кажа какво решение има на ум.
