Како што јавува Битолањуз.mk, километарски се колоните возила за влез во Македонија на граничниот премин Меџитлија.
„На граничниот премин Меџитлија се чека по неколку часа, а се влегува во две колони кои се протегаат од граничниот премин па до еден километар на автопатот Лерин – Битола од грчката страна“, објави Битолањуз.
На граничниот премин Богородица очекувано, колоните се и подолги, а се влегува во неколку ленти. Oвој продолжен викенд долги се чекањата и на граничниот премин Дојран.
Како што објави МКД.мк, од попладнево големи колони возила имаше на граничниот премин Ќафасан, каде доминираа македонски туристи кои се враќаа од Албанија.