Околу 30 ракети утринава се истрелани од Либан кон областа Мерон на северот на Израел, соопшти израелската армија.
Сите ракети паднале на отворена област и нема жртви, се наведува во соопштението, пренесува Тајмс оф Израел.
Војската, исто така, соопшти дека извршила напад во текот на ноќта врз ракетен фрлач на Хезболах во Либан и објави видео од моментот на ударот.
Израелските одбранбени сили соопштија дека Израел одговорил со напад на уште еден ракетен фрлач на Хезболах.
