Ракометната репрезентација на Македонија на 3. и 4. ноември игра два пријателски натпревари против Грција во Солун, а селекторот на нашиот јужен сосед упати провокација.
Во интервју за официјалната страна на грчката ракометна федерација, селекторот на Грција, Георгиос Заравинас вели дека играат две силни пријателски средби со Скопје. Гркот избегнуваше да го каже името на нашата земја.
„Во Солун ја одработуваме првата недела од подготовките за првиот настап на ЕП, фаза е исклучително важна за нас поради што ќе играме две силни пријателски средби против Скопје. За нас е важно да имаме силни пријателски средби против земји што во последниве години биле постојано присутни во финалните фази од европските и светските шампионати. Ќе испробаме некои работи, ќе консолидираме некои наши посилни особини и ќе се обидеме да вклучиме некои нови имиња поврзувајќи го сениорскиот со младинскиот национален тим“, изјави грчкиот селектор, Георгиос Заравинас.
