Руската војска изведе еден од најжестоките бранови воздушни и ракетни напади врз украинската енергетска инфраструктура во последните недели, соопштија властите во Киев. Министерството за одбрана во Москва не ги коментираше овие тврдења.
Во објава на Фејсбук денеска, украинскиот министер за енергетика Герман Галушченко тврди дека целта на Русија е „не само да оштети, туку да се обиде повторно, како и минатата година, да предизвика голем дефект на енергетскиот систем на земјата“.
⚡️Появились кадры утреннего попадания ВКС РФ по ДнепроГЭС!
Яркий огненный всполох на фоне нежно-голубого утреннего неба над Днепром!
Непобедимая мощь!✊❤️🇷🇺❤️
P.S. и не один человек не пострадал!Только русский мат в эфире!)😃 pic.twitter.com/ehFtpAdU8Q— Наташа Иванова (@NatasaIvanova9) March 22, 2024
„За жал, има напади и оштетувања на капацитетите за производство на електрична енергија, системите за пренос и дистрибуција во различни региони“, напиша тој, тврдејќи дека еден од далноводите поврзан со руската нуклеарна централа Запорожје е прекинат.
Според Укрхидроенерго, еден руски ракетен напад бил насочен кон хидроелектраната Дњепар (ХЕ) во градот Запорожје, кој е под контрола на Украина. Компанијата тврди дека објектот бил погоден и дека на местото беснее пожар.
В машинном зале ДнепроГЭС после ракетного удара. pic.twitter.com/ZBOumtdM4o
— Вольвач Юрий (@1Gg7Dlct8tfwNJL) March 22, 2024
Официјалните лица инсистираа дека ситуацијата на браната е под контрола. Сепак, Игор Сирота, шефот на Укрхидроенерго, размерите на штетата ги оцени како обемни, наведувајќи дека „од моментов ја губиме станицата“.
Се чини дека видеата и фотографиите кои кружат на социјалните мрежи покажуваат пожар на брана во непосредна близина на ХЕЦ Дњепар.
Во меѓувреме, масовни прекини на струја се забележани на други места во земјата, вклучувајќи ги и регионите Харков, Одеса, Дњепропетровск, Виница, Лавов, Ивано-Франкивск и Николаев. Според украинскиот претседател Владимир Зеленски, Москва употребила повеќе од 60 беспилотни летала и речиси 90 проектили од различни типови.
Градоначалникот на Харков, Игор Терехов, изјави дека имало 15 експлозии во градот, истакнувајќи дека има проблеми со снабдувањето со вода, додека семафорите и електричниот транспорт се целосно онеспособени.
Шефот на регионот Одеса, Олег Кипер, рече дека руските напади оставиле околу 53.000 луѓе без струја, а се работи за санирање на штетите.