Министерот за внатрешни работи Жералд Дарманин го осуди „неподносливото насилство врз симболите на Републиката“ и додаде дека биле запалени или нападнати градските собранија, училиштата и полициските станици.
Тој ѝм се заблагодари на полицијата и на пожарникарите и порача дека треба да се засрамат сите кои не повикале на смирување на ситуацијата.
Во Кламарт, во југозападното предградие на Париз, ноќеска бил запален паркиран трамвај. Пожарот подоцна бил изгаснат, но трамвајската линија е сè уште затворена.
Hauts de Seine : Un tramway de la ligne 6 incendié à Clamart#Nanterre pic.twitter.com/nEBSac79fA
— Réalité Actuelle (@ReaActuelle) June 28, 2023
Ситуацијата во Нантер, на петнаесетина километри од Париз, повторно стана тензична. Запалени се десетина автомобили, контејнери и бариери поставени на патот. На фасадите на зградите се закачени натписите „Правда за Нахел“ и „Полицијата убива“.
Un centre Enedis incendié à Nanterre lors d’une nouvelle nuit de tensions pic.twitter.com/pxMLqITSoS
— BFMTV (@BFMTV) June 29, 2023
Судирите со полицијата траеле до 1 часот во населба каде веќе имало судири меѓу жителите и припадниците на силите на редот, кои на фрлањето на камења одговориле со солзавец.
Околу дваесетина општини во Сена-Сен Дени, департман североисточно од Париз, ги пријавија пожарите, објави полициски извор, додавајќи дека на местото на настанот секој пат се активни многу мобилни групи од околу стотина луѓе. Сега постои загриженост во инаку мирните предградија.
⚡️ Reports of massive riots for second continuous day in #France.
Migrant rioters have reportedly looted a police station, stolen police dresses and arms. Robbed ATMs and stores. Chaos on roads. Sirens everywhere.
Riots have started after a criminal migrant youth was shot by… pic.twitter.com/2SzJJCQ2Yb
— Megh Updates ?™ (@MeghUpdates) June 29, 2023
Во Есон, јужно од Париз, бил запален автобус од кој патниците излегле, информираат полициски извори.
? EN DIRECT | #Nahel : Quelques tirs d’artifices également à #Evry en #Essonne. pic.twitter.com/0GOlRBvXuB
— La chronique actu (@lachroniqueactu) June 28, 2023
Судири избиле и во кварт во Тулуз, а од тоа место се издигал густ црн чад. Група млади запалиле канти за ѓубре и автомобили, а фрлале предмети кон полицајците и пожарникарите. Уапсени се 13 лица, а ситуацијата се смирила во текот на ноќта.
Синоќа во Ној-сур-Марн, на 13 километри од Париз, биле запалени сите седум полициски автомобили кои биле во станицата, а пожарот се проширил и на соседната зграда, во која се сместени просториите на општинската полиција и градските служби за домување. На пожарникарите ѝм требале час и половина за да го изгаснат пожарот.
Насилства биле забележани и во други региони низ земјата, како што е Лион, каде припадниците на полицијата биле гаѓани со пиротехнички средства.
