„Во првото тромесечје од 2023 година Регулаторна комисија за енергетика издаде лиценци за 133 фотонапонски електроцентрали со моќност од 39,4 мегавати. Ако се гледа кумулативно со претходната година од кога стартуваше т.н Елдорадо за инвестиции во обновливи извори, во земјава на мрежа се вклучени капацитети со инсталирана можност од 191,6 мегавати, со која може да се задоволат потребите на близу 76 000 домаќинствата со просечна потрошувачка, односно може да се обезбеди електрична енергија за домаќинствата од десет градови. За да може да се искористи енергијата од Сонце и во текот на ноќните часови во фаза на изработка сме на правила што ќе ја регулираат процедура во поставувањето на батериите пред се како комплементарен, но и засебен дел од секоја изградена централа.“ изјави Марко Бислимоски, претседател на Регулаторна комисија за енергетика.
Во 2022 години РКЕ им издаде лиценци на вкупно 267 централи за производство на електрична енергија од обновливи извори со инсталиран вкупен капацитет од 152.2 мегавати. Од нив 106.5 MW се ФЕЦ, додека 36 мегавати се за ветерни електроцентрали, а 7,2 мегавати се за мали хидроцентрали и 2,5 мегавати за термоелектроцентрали на биогас.
