Членката на ЕУ објави фотографии на кои се гледа како конвој на германската армија влегува во Вилнус, главниот град на Литванија.
На 11 и 12 јули во Вилнус ќе се одржи состанок на западната воена алијанса на највисоко ниво. Литванија се граничи со руската ексклава Калининград и Белорусија, близок руски сојузник.
Ова е прво распоредување на ракетите Патриот во Литванија, соопшти литванската војска. Со системот ќе управуваат германски војници.
Германското Министерство за одбрана соопшти дека распоредувањето на системите Патриот се врши по барање на НАТО и во тесна консултација со Литванија.
Германија ќе придонесе и со копнени, воздушни и поморски капацитети за обезбедување на самитот на НАТО, се вели во соопштението.
