Од противпожарната единица велат дека пожарот е локализиран, но дека уште чади од подрумот на Судот и дека пожарникарите и средствата, како и ФАП-от, се во состојба на подготвеност за дополнителни интервенции.
Командирот на смена на пожарникарите, Борис Станковски кажа дека причините за пожарот допрва ќе се утврдуваат.
Пожарот бил пријавен во 1:35 часот по полноќ. За пет минути пристигнала првата противпожарна единица.
„Проблем се водоводните и цевки за парно кои се изолирани и тоа ни создава проблеми, зашто изолацијата е зафатена од огнот. Има многу книги, хартии, документи, па е тешко да се влезе со повеќе луѓе.
Претседателката на судот, Снежана Манев изјави дека има архива којашто е од почетокот на функционирањето на судот од 50-тите години од минатиот век. Според нејзините првични информации се работи за една до две простории. Таа вели дека веројатно има штета, но не можат да потврдат колкава е.
П.Џ.