недела, 14 јули 2024

Ердоган: Нема промена во ставот на Турција за членството на Шведска во НАТО

Објавено на

часот

Сподели

Високи функционери од НАТО, Шведска, Финска и Турција денеска во Анкара разговараат за мерките преземени од нордиските земји за задоволување на безбедносните грижи на Турција, што ќе овозможат таа да се согласи за прием на Шведска во НАТО.

Алијансата ја повикува Турција да го одобри барањето на Шведска да му се приклучи на воениот блок, кое го поднесе заедно со Финска како одговор на руската инвазија на Украина.

Финска стана 31-ва членка на НАТО во април, откако турскиот парламент го ратификуваше нејзиното барање, додека одби да ја одобри кандидатурата на Шведска.

НАТО сака Шведска да стане дел од алијансата до средбата на лидерите на земјите-членки на самитот во главниот град на Литванија на 11 и 12 јули.

Ердоган денеска пред новинарите изјави дека ставот на Турција за приклучување не е „позитивен“ и дека турската делегација на средбата ќе каже дека „не се очекува ништо поинаку“ на самитот во Вилнус, главниот град на Литванија.

Турската влада ја обвинува Шведска дека е попустлива особено кон курдските организации, за кои Анкара вели дека се терористи. Анкара ја разгневија и серијата демонстрации во Стокхолм, вклучително и антиисламскиот активист што запали Куран пред турската амбасада.

НАТО бара едногласен прием на нови членки, а само Турција и Унгарија досега не го прифатија барањето на Шведска.

ТОП ВЕСТИ

ПОСЛЕДНИ ВЕСТИ