Полицијата и пожарникарите ја обезбедиле областа откако уредот бил активиран во 01:29 часот по локално време, антитерористичката единица ја истражува експлозијата.
Непознато лице 40 минути претходно во име на Револуционерната класна самоодбрана, засега непозната организација, испратило предупредување до весникот „Ефимерида тон синтактон“ дека во близина на министерството е поставена експлозивна направа.
Во друг повик, едно лице кажало дека била поставена бомба пред банка која се наоѓа во близина на министерството. Весникот веднаш ја известил полицијата која го опколила теренот.
Bomb explodes near Labor Ministry in central Athens https://t.co/noxIzjwGsO pic.twitter.com/RIt6YebGPe
— Kathimerini English Edition (@ekathimerini) February 3, 2024
Државниот радиодифузен сервис ЕРТ јави дека експлозивната направа била во торба поставена на оградата пред зградата на банка во близина на министерството.
