Во геотермалниот дел од паркот наречен Базен бисквит, врелата вода изби на површина во бурна ерупција која се случила пред два дена во претпладневните часови северно од познатиот гејзир Северен Верен.
За среќа никој не е повреден, но на снимките на социјалните мрежи се гледа ерупцијата на вода помешана со други материјали многу блиску до патеката на која се посетителите, кои преплашени побарале засолниште.
BREAKING: There was just a huge eruption at Yellowstone National Park.
pic.twitter.com/n6LYNHZ2bp— Creepy.org (@creepydotorg) July 23, 2024
Ерупцијата за среќа не била од вулканот, туку од хидротермална природа и е поврзана со загревањето на водата во подземните резервоари.
„Хидротермалните експлозии се прилично вообичаени во Јелоустоун. За пример, гејзирот Поркчоп експлодира во 1989 година, а во близина на тоа место и на 15 април оваа година се случила помала експлозија. Сличен инцидент како последниот на истото место се случи и во 2009“, наведоа Американското геолошко здружение и Националниот парк Јелоустоун.
Под земјата, под висок притисок, водата може да се загрее далеку над точката на вриење. Кога ќе достигне 250 степени, водата рапидно преминува во гасна состојба и бурно се шири.
Кога веќе нема каде да се шири во подземните пештери, се случува експлозија.
Ниедна од хидротермалните експлозии во Јелоустоун не е директно поврзана со магма, но може да предизвикаат сеизмичка активност. Јелоустоун постојано се тресе, а годишно се бепежат меѓу 1.500 и 2.500 земјотреси.
#Yellowstone Park staff are on scene assessing conditions after a small hydrothermal explosion occurred today (July 23) in #BiscuitBasin. There are no reports of injuries. The boardwalk, on the other hand, will need a few repairs. The area remains temporarily closed. NPS photos. pic.twitter.com/XrHuUhw7fk
— USGS Volcanoes🌋 (@USGSVolcanoes) July 23, 2024
Ерупциите на пареа, кал и камења можат да бидат исклучително бурни, а најсилните можат да исфрлаат подземен материјал и до два километри во висина и да оставаат големи кратери.
Помалите експлозии и ерупции се релативно чести, додека најголемите се ретки и се случуваат еднаш во 700 години. И покрај тоа што последната ерупција изгледа прилично импресивно, таа е една од помалите.