„Тој договор за соработка би можел да биде потпишан во октомври во рамките на мојата посета на Руската Федерација“, напиша Додик на социјалната мрежа Х, наведувајќи дека разговарал денеска со Миниханов, заедно со српската членка на Претседателството на БиХ, Жељка Цвијановиќ, при неговата посета на Будимпешта.
Предсједнику Татарстана Рустаму Миниханову предложио сам да Република Српска потпише споразум о сарадњи с том руском републиком.
Тај споразум би могао бити потписан у октобру у оквиру моје посјете Руској Федерацији.
Српска ће остати упорна у томе да спријечи увођење санкција… pic.twitter.com/RTaRypnCoe— Милорад Додик (@MiloradDodik) August 20, 2023
Тој додаде дека во Босна и Херцеговина е тешко да се најде консензус за санкциите против Русија, нагласувајќи дека тоа не го дозволуваат политичарите од РС.
„РС ќе остане упорна во спречувањето на воведувањето санкции кон Русија од страна на Босна и Херцеговина, бидејќи Русија и нејзините народи се наши пријатели“, нагласи Додик.
Додик и Цвијановиќ од вчера се во посета на Унгарија на покана на владиката Лукијан и унгарскиот премиер Виктор Орбан.
Освен со Орбан, тие ќе се сретнат и со претседателот на Азербејџан, Илхам Алиев и со претседателот на Србија, Александар Вучиќ.
Предвидена е средба и со турскиот претседател Реџеп Таип Ердоган.
