Претходно, координаторот на пратеничката група на ВМРО-ДПМНЕ Никола Мицевски од спикерот побара откако ќе се исцрпи листата на пријавени за дискусија да го стави предлогот за уставни измени на гласање. Тоа не се случи.
По прекинувањето на седницата негодуваа пратениците од опозицијата кои при носењето на дневниот ред за седницата гласаа против.
Џафери во интервју за МИА на почетокот на месецов изјави дека по завршување на претресот, гласањето за потребата за уставни измени може да биде одложено, а ако нема услови, воопшто и да не се случи.
За денешниот дневен ред гласаа 70 пратеници.
