За секоја потребна дополнителна информација, граѓаните може да се обратат на дежурните телефони на претпријатието.
„Во однос на дефектот од страна на екипите на претпријатието се преземени сите активности и мерки за отстранување на истиот. Од рано изутрина, екипите се излезени на терен со целосна механизација и системски работат на отстранување на дефектот“, се наведува во соопштението.
Засега, се додава, не може да се предвиди точното време на санирање на дефекот.
„Екипите се и ќе останат на терен, сѐ до целосно отстранување на дефектот и нормализирање на водоснабдувањето во сите делови каде тоа е прекинато“, истакнуваат од претпријатието.
Поради поголем дефект на водоводна цевка на Кеј Димитар Влахов до Младински културен центар (МКЦ) во Скопје, утрово од 9 часот е прекинато водоснабдувањето на дел од Крњево, Керамидница, кај трговскиот центар Ист Гејт, покрај булевар Александар Македонски до бензинската пумпа Лук Оил, Пожарна, а со намален притисок ќе бидат населбите Маџари и Хиподром, информираше Центарот за управување со кризи (ЦУК).
