Два случаи се откриени на 4 и 5 јануари на ГП Богородица. Мобилен тим на Секторот за контрола и истраги по контрола на две товарни моторни возила со полски регистарски таблички на влез во државата откри мигранти во просторот за палети на полуприколките при контрола со мобилен скенер, при што и во едниот и во другиот случај се откриени по 4-ца мигранти од Сирија и Пакистан.
Третиот случај е откриен од страна на царинските службеници исто така на влез на граничен премин Богородица при контрола на товарно моторно возило, кое како и во горенаведените случаи било со полски регистарски таблички.
При контрола на возилото во помошните сандаци за палети се откриени тројца мигранти од Камерун и Конго, соопшти Царинската управа.