Како што кажа премиерот Милојко Спајиќ, целта на оваа одлука е да се намали инфлацискиот притисок врз граѓаните бидејќи, како што кажа, инфлацијата во Црна Гора е увозна инфлација. „Со ова не само што се сопира растот на цените туку се намалуваат цените на 500 артикли, кои се најважни за животот на граѓаните на Црна Гора“, наведе Спајиќ.
Пред донесувањето на оваа одлука црногорскиот премиер имал средби со претставници на Стопанската комора на Црна Гора, каде оваа акција била усогласена, и нема да се спроведува во малите продавници и трговските ланци чии објекти во Црна Гора не надминуваат површина од 600 квадратни метри.
Инфлацијата во Црна Гора во 2023 година изнесувала 8,6 отсто. Просечната плата во Црна Гора изнесува 814 евра, а минималната е 450 евра.
