Полицијата соопшти дека Алексеј Петров починал на лице место откако околу пладне бил застрелан од непознати лица во предградие на главниот град Софија. Жената која била со него е повредена со прострелна рана и итно е пренесена во болница.
Поведена е предистражна постапка, а полицијата врши увид на местото на злосторството.
Bulgarian businessman killed by gunmen after two previous attempts on his life https://t.co/qF7lyTVI44
— euronews (@euronews) August 16, 2023
61-годишниот Петров бил цел на уште најмалку два обиди за негов атентат.
Карате шампион и поранешен таен агент на државната безбедност, Петров по падот на комунизмот ја напуштил работата во полицијата за да започне приватен бизнис, кој процветал и станал соработник во над 50 компании до 2002 година.
Во 2010 година, тој бил уапсен и обвинет за водење на криминална група вклучена во изнуда, рекетирање, трговија со дрога, перење пари и даночно затајување.
Тој бил ослободен со кауција и на крајот бил ослободен, додека следната година бил дури и кандидат на претседателските избори.
Во последните години Петров раководел со една од најголемите осигурителни компании во земјата. Работел и како советник на првиот човек на Државната агенција за национална безбедност, а извесно време бил и универзитетски предавач по економија.
Во текот на 1990-тите, убиствата на јавни личности биле вообичаена појава во Бугарија, но новиот излив на насилство ја шокираше земјата.